قازاقستان رەسپۋبليكاسى تاۋەلسىزدىگىنىڭ 26 جىلدىعىنا وراي ءوڭىر جاستارىنىڭ پاتريوتتىق رۋحىن كوتەرە ءتۇسۋ ماقساتىندا ماڭعىستاۋدا جاستار اكتسياسى ءوتتى.
اكتسيادا ماڭعىستاۋ وبلىسىنىڭ بەلسەندى جاستارى ۇزىندىعى 15 مەتر, ەنى 7 مەتر بولاتىن مەملەكەتتىك تۋ مەن ۇزىندىعى 10 مەتر, ەنى 6 مەتر بولاتىن رۋحاني جاڭعىرۋ تۋىن الىپ, تاۋەلسىزدىك كوشەسى بويىنىڭ «ماڭگىلىك الاۋ» جانىنان اقبوتا ساياباعىنا دەيىن شەرۋلەپ ءجۇرىپ ءوتتى.
شەرۋگە وڭىرلىك جاستار ۇيىمدارىنىڭ جەتەكشىلەرى, جاستار بىرلەستىكتەرى مەن وداقتارىنىڭ جەتەكشىلەرى, جاستار رەسۋرستىق ورتالىقتارىنىڭ قىزمەتكەرلەرى, ماڭعىستاۋ وبلىسى بويىنشا ۇقك شەكارا قىزمەتى «جاعالاۋ كۇزەتى» قىزمەتىنىڭ اسكەريلەرى قاتىستى.
ۇيىمداستىرۋشىلاردىڭ ايتۋىنشا, اكتسيا - جاستاردىڭ پاتريوتتىق رۋxىن كوتەرىپ, ولاردىڭ ۇلتتىڭ قۋاتىن قالىپتاستىرا الاتىن مەملەكەتتىڭ ستراتەگيالىق رەسۋرسى ەكەنىن كورسەتۋدى كوزدەيدى.
شارا ماڭعىستاۋ جۇلدىزدارىنىڭ قاتىسۋىمەن وتكەن كونتسەرتپەن اياقتالدى.
گۇلايىم شىنتەمىرقىزى, «ەگەمەن قازاقستان»
ماڭعىستاۋ وبلىسى